Теңгемен ашылған депозиттерге 10% өтемақы есептеледі
Теңгемен ашылған депозиттерге 10% өтемақы есептеледі
Біз Ұлттық Банк пен ҚР Үкіметінің теңгедегі салымдарды қорғау бағдарламасына қатысамыз. Осы Бағдарлама аясында теңгемен ашылған депозиттерге 10% өтемақы есептеледі.
Бағдарламаның талаптары:
Бағдарламаға 2022 жылғы 23 ақпандағы жай-күйі бойынша талап еткенге дейінгі және шартты салымдарды қоспағанда, жеке тұлғалардың теңгедегі салымдары қатысады.
10% өтемақы бір адамға бір рет төленеді
Салымның нақты сомасы Бағдарламаны іске асыру басталған сәттен бастап 12 айдан кейін 20 млн теңгеден аспауы керек.
Өтемақыға жеке табыс салығы салынбайды
Бағдарламаға қатысудың міндетті талабы – салымды мерзімінің соңына дейін, бірақ бағдарлама енгізілген сәттен бастап кемінде 12 ай (2023 жылғы 24 ақпанға дейін) банкте сақтау. Егер салымның мерзімі өтемақы төленетін сәтке дейінгі кезеңде аяқталатын болса, депозит бағдарлама аяқталатын мерзімге дейін қайта ұзартылуы тиіс.